افتتاحية المدونة: "لماذا بدأنا… ولماذا نحتاجكم معنا؟" بقلم المنسق العام: أ/ أحمد الطحلاوي
في وقت اصبحت فية العملية التعليمية فيه مليئة بالتحديات، ظهر احتياج حقيقي لصوت واعي ويد ممدودة بالخير، قررنا نبدأ مبادرة فريق الأمل لتطوير العملية التعليمية.
الفكرة بدأت بسؤال بسيط: ليه نفضل مستنيين التغيير… وإحنا نقدر نكون جزء منه؟
اكتشفنا إن في كل مدرسة في مصر، في أولياء أمور محترمين، معلمين مخلصين، وشباب عنده استعداد يساعد… لكن مفيش منصة تجمع كل الناس دي على هدف واحد. ومن هنا بدأ ظهور “فريق الأمل”.
لماذا اخترنا اسم (الأمل)؟
لأن التعليم هو باب الأمل الحقيقي لأي بيت في مصر.
ولأن كل طفل له حق إنه يلاقي مدرسة محترمة، معلم بيحب شغله، إدارة بتطبق القانون، وولي أمر فاهم حقوقه وواجباته.
الأمل مش كلمة… الأمل قرار. وإحنا أخدنا القرار.
هدفنا بسيط… لكنه كبير
هدفنا إننا نخلق نموذج جديد للتعاون بين:
* ولي الأمر
هدفنا إن كل مدرسة يبقى فيها:
* إلتزام بالقوانين
* احترام للطالب
* تواصل محترم بين الإدارة والأهالي
* بيئة تعليمية آمنة وسليمة
* شكاوى يتم التعامل معها باحترام وشفافية
* دعم للطلاب المحتاجين
* أنشطة تحيي روح المدرسة من جديد
إحنا مش جهة حكومية… وإحنا مش ضد حد.
إحنا مع المدرسة… ومع الطالب… ومع المعلم
ضد الإهمال… ضد الظلم… وضد ضياع الحقوق.
ليه محتاجينكم؟
* لأن المبادرات لا تنجح بالأفراد… بل بالناس.
* لأن كل ولي أمر عنده خبرة، وكل معلم عنده رؤية، وكل شاب عنده طاقة… هو جزء من الحل.
* عايزين فريق كبير… بيحلم… وبيشتغل… وبيغير.
* عايزين نموذج مصري محترم يثبت إن المجتمع قادر يعمل فرق.
رسالتنا لكل ولي أمر:
أنت مش متفرج… أنت شريك في العملية التعليمية.
شكاويك لها قيمة… رأيك مهم… ووجودك جنب ابنك بيغير مستقبله كله.
ومع فريق الأمل، هتلاقي دعم… وشرح… وخطوات قانونية… ومساندة في كل مشكلة تواجهها.
رسالتنا لكل معلم:
إحنا مقدّرين دورك… وعارفين إنك الجندي الحقيقي اللي شايل العملية التعليمية على كتافه.
هدفنا مش نقدّم شكوى ضدك… بل نقف جنبك.
نساعدك… نرفع عنك الضغط… ونساعد المدرسة تبقى أفضل ليك ولطلابك.
رسالتنا لكل شخص بيقرأ المقال دلوقتي:
إحنا بدأنا من لا شيء… لكن عندنا حلم كبير.
ولو انضم لينا 10… يبقى فريق.
ولو انضم 100… يبقى قوة.
ولو انضم آلاف… يبقى تغيير حقيقي في مدارس مصر كلها.
التغيير يبدأ بخطوة… والخطوة دلوقتي.
ختامًا:
أنا اخوك أحمد الطحلاوي، منسق عام فريق الأمل وولي امر وواحد منكم…
أدعوك بكل محبة واحترام… إنك تكون جزء من المبادرة.
عشان ولادنا يستحقوا تعليم أفضل… ومدارس أنظف… وحق يُصان… وصوت يُسمع.
تعليقات
إرسال تعليق